Sheikh Yusuf Qaradhawi Mkuu wa Jumuiya ya Kimataifa ya Maulamaa Waislamu amechukua misimamo ya kindumakuwili kuhusu matukio yanayojiri katika ulimwengu wa Kiarabu.

Naibu Katibu Mkuu wa Hizbullah ya Lebanon amesema kuwa jeshi, taifa na harakati ya mapambano ya Hizbullah ni mambo yanayoipa fahari kubwa nchi hiyo.

Kesi ya Firauni wa zama wa Misri dikteta Hosni Mubarak, wanawe wawili, waziri wa mambo ya ndani wa zamani na maafisa kadhaa wa ngazi za juu wa masuala ya usalama imeendelea leo mjini Cairo chini ya ulinzi mkali wa polisi na askari usalama.

Makala yenye anwani ya ‘Mazingira kwa Mtazamo wa Qur’ani na Sunna’ imeandikwa na Ali Najarpourian na kuchapishwa katika toleo la 69 la jarida la Bayyenat.

Imam Ali AS amesema: ‘Kina baba wana jukumu la kuwapa watoto majina yanayofaa, kuwalea vizuri na kuwafunza Qur’ani.’

Katibu Mkuu wa Harakati ya Wapigania Uhuru wa Bahrain amesema kuwa utawala wa kizazi cha Aal Khalifa nchini humo utaporomoka kama zilivyoondolewa madarakani tawala za Hosni Mubarak huko Misri na Muammar Gaddafi huko Libya.

Sheikh Hassan Saffar ambaye ni miongoni mwa maulamaa wakubwa wa Kishia wa Saudi Arabia amesema kuwa mashekhe wanaotoa fatuwa za kuhalalisha mauaji ya watu wasiokuwa na hatia wanashiriki pia katika umwagaji wa damu za watu hao.

Katibu Mkuu wa Harakati ya Kiislamu ya Uokovu wa Libya amesema kuwa Wamagharibi wana wasiwasi mkubwa kuhusu suala la kuundwa serikali ya Kiislamu nchini humo na kusisitiza kuwa Walibya wanataka kuundwa serikali itakayosimama juu ya misingi ya sheria za Kiislamu.

Ayatullah Abdul Amir Qabalan, Naibu Mkuu wa Baraza Kuu la Mashia wa Lebanon amevitaka vyama vya kisiasa vya nchi hiyo kuimarisha umoja miongoni mwao na kufanya mazungumzo kwa ajili ya kukabiliana na changamoto na vilevile kutatua matatizo ya nchi hiyo.

Kiongozi Muadhamu wa Mapinduzi ya Kiislamu Ayatullah Ali Khamenei mapema leo amehutubia hadhara ya viongozi wa serikali na matabaka mbalimbali ya wananchi katika Husainiya ya Imam Khomeini mjini Tehran akiutaja mwamko wa sasa wa Kiislamu kuwa ni harakati ya Waislamu kurejea kwenye utambulisho wao wa asili.

Wananchi wa Saudi Arabia na hasa tabaka la vijana, wanafuatilia kwa karibu matatizo yanayowakabili ya kijamii na kiuchumi yakiwemo ya uhuru, umasikini na ubaguzi na jambo hilo linaweza kongeza harakati za mapinduzi nchini humo.

Waislamu wa Marekani wameamua kuwakaribisha wasiokuwa Waislamu katika sikukuu ya Idul Fitr iliyopewa jina la Siku ya Milango Wazi ya Misikiti na Vituo vya Kiislamu.

Ali al Adiib ambaye ni miongoni mwa maafisa wa chama cha Kiislamu cha al Daawa cha Iraq amesema kuwa Mawahabi wa Saudi Arabia wametoa fatuwa inayohalalisha mauaji dhidi ya raia wa Iraq na kueneza gaidi nchini humo.