Tafsiri ya Kwanza ya Qur’ani katika Lugha za Dusun yazinduliwa nchini Malaysia

IQNA - Tafsiri au tarjuma ya kwanza ya Qur'ani Tukufu kwa lugha ya Dusun imezinduliwa katika hafla ya Jumapili huko Kota Kinabalu, Malaysia

Makabila ya Sabah, haswa Waislamu kutoka jamii za Kadazandusun na Murut, sasa wanaweza kuelewa maana ya Qur’ani  kwa lugha ya Dusun.

Mwenyekiti wa Jumuiya ya Waislamu ya Kadazan Dusun Murut ya Malaysia (KDMRS Muslim) Nicholas Sylvester alisema nakala 10,000 za Qur’ani Tukufu kwa lugha ya Dusun zimesambazwa bila malipo, huku nakala nyingine 50,000 zikitazamiwa kuchapishwa.

Alisema juhudi za kutafsiri Quran katika lugha ya Dusun zilianza miaka 20 iliyopita alipokwenda vijijini kwa mara ya kwanza kufanya kazi ya kuhubiri Uislamu.

"Lugha ya Dusun inayotumika kutafsiri Quran ni lugha sanifu ya Kidusun inayotumiwa na Radio Televisyen Malaysia (RTM) pamoja na mtaala shirikishi wa kufundishia shule ambao ni (lahaja) 'bunduliwan'," aliwaambia waandishi wa habari baada ya uzinduzi wa Dusun. Al-Quran na Yang Dipertua Negeri ya Sabah Tun Juhar Mahiruddin.

“Mradi huu umetekelezwa na wataalamu wa lugha waliobobea katika lugha za kikabila na Kiarabu kutafsiri aya za Quran. Timu ya watafsiri, inayoongozwa na Dkt Joseph Gimbad pamoja na washiriki wa timu yake Naim Majin, Sulaimin Musinin na Esibi Lakui, ni wazungumzaji wa Kidusun wanaotumia lugha hiyo katika mazungumzo yao ya kila siku,” gazeti la The Borneo Post lilimnukuu Sylvester akisema.

"Pia watasaidia kama wawezeshaji wa mradi wa kutafsiri Quran katika lugha nyingine nne za makabila ya Malaysia ambazo ni Kadazan, Murut, Rungus na Sungai," aliongeza.

3487758