Şeyx Rəfət dahi Quran qarisi
Əmirul-Qurra ləqəbli Şeyx Məhəmməd Mahmud Rəfət (1882 – 1950 miladi) qəməri təqvimi ilə 1300-cü ildə Misirin Qahirə şəhərində anadan olub. Altı yaşına çatmamış xəstəlikdən görmə qabiliyyətini itirib. Bu xəstəlik və korluq Şeyx Rəfətin həyatının dönüş nöqtəsidir. Dahi qiraətçilər arasında Ustad Hafis, Məhəmməd İmran, Mahmud Ramazan, Səid Müslim və Məhəmməd Mahmud Rəfət kimi kor olan bir neçə nəfəri qeyd edə bilərik. Bu qiraətçilərin qiraətində təkcə qiraətin texniki məsələsi deyil, həm də ustad Rəfətin qiraətində digərlərindən daha qabarıq görünən xüsusi mənəviyyat hissi olub.
Kor olduqdan sonra ustad Rəfət uşaqlıq illərində atasının təşviqi ilə Quran tilavəti ilə tanış olur və Quranı bütünlüklə əzbərləməyi bacarır. Şeyx Əli Mahmud (1878-1943) Rəfətin qiraətini eşidib çox təsirləndi. Ətrafındakı insanlara Şeyx Rəfəti parlaq gələcəyin gözlədiyini və o qədər də uzaq olmayan illərdə dünyanın böyük qiraətçilərindən birinə çevriləcəyini vəd etdi və eyni şey oldu.
Şeyx Rəfətin peşə həyatını iki dövrə bölmək olar: 32 yaşına qədər Quran qiraəti məclislərində mikrofondan istifadə olunmayan, səsi daha güclü olan qarilərin daha çox diqqət çəkdiyi və alqışlandığı dövr olub. Amma Rəfətin peşə həyatının sonrakı dövrü 32 yaşından sonra mikrofondan istifadə olunan dövr olur. Bu dövrdə ustad Rəfətin qiraətinin tonal incəlikləri və xüsusi texnikası eşidilir. Misirdə və dünyada daha çox insan onun qiraətini eşidirdi.
Şeyx Rəfətin qiraətinin ən mühüm tərkib hissələrindən biri onun qiraətinin mənəviyyatı, digəri isə daha az qaridə görünən improvizədir. Bir növ Rəfətin qiraətlərinin mənalı olduğunu söyləmək olar. Yəni ərəb dilini bilməsən də, ayələri oxuyarkən Rəfətin duyğu və rəftarı səni təsirləndirəcək.
İranın beynəlxalq qarilərindən olan Həmidrza Nasirinin söhbətindən götürülmüşdür.
4057898
