په کوه نور یا جبل النور باندې د قرآن آیتونه لیکل شوي دي( انځورونه)

ایکنا-(تهران)د غرونو له نړیوالې ورځې سره په یووخت ،په مکې  مکرمې کې پر حراء غر یا جبل النور باندې د قرآن کریم ځيني آيتونه  نندارې ته وړاندې شول.

ایکناخبری آژانس د الطریق له قوله راپور راکړ،د دسمبر په یولسمه نیټه د غرختنې  او دغرونو دنړیوالې ورځې په مناسبت پر پیغمبر(ص)د وحي د نزول د لومړني مقام په توګه په مکې مکرمې کې پر حراء غره باندې چې جبل النور هم نومیږی، د قرآن کریم ځیني آیتونه لیکل شوي دي.

د حراء کلتوري برخې د حراء غره ځيني عکسونه، پخپل رسمي ټویټري پاڼې کې خپره کړي دي چې په هغه حراء غر د پاسه د رڼا  او نور څپې خورې ورې کړئ شوي د قرآني آیتونو  ښکلا او ننداره ئې دوه چنده په زړه پورې کړې ده. .

دغه اقدام د غرونو د نړیوالې ورخې د درنښت په لړ کې او د حراء د تاریخي غر په لمن کې د حراء کلتوري کوڅې له افتتاح سره په یووخت ترسره شوی دی. ددغه مقدس  ځاي په شاوخوا کې چې پرپیغمبر اکرم(ص)د وحي د نزول  لومړنی ځای دی، تلونکي لارویان،د قرآن کریم دغه آیتونه وینی.

په دغو آیتونو کې د علق مبارکې سورې لومړني آیت«اقْرَأْ بِاسْمِ رَبِّكَ الَّذِي خَلَقَ» او همداراز د النبا مبارکې سورې اوم آیت یعني، «وَالْجِبَالَ أَوْتَادًا» شامل دي.

د حراء غر د جبل النور او جبل الاسلام  په نامو سره هم پيژندل کیږي.دا غر د مکې یو مقدس ځاي او د رسالت له پړاوه باقي پاتې یو دیني اثر شمیرل کیږي.

ملګروملتو ددسمبر په یولسمه نیټه چې د لیندۍ شلمه نیټه کیږي، په ۲۰۰۲کال کې د غر ختنې  او غر نړیوالې ورځې په توګه نومولې ده.

دغه ورځ د  غرونو او دغرنیّو سرچینو  اهمیت او دغه راز د ژواک چاپیریال دککړتیاؤ اوورانونو په وړاندې ددغه ارزښتمن میراث دخوندي ساتنې  اهمیّت ته د اړونده ټولو ټولنو او اورګانونو د توجه کولو لپاره یو ډير ښه فرصت دی.

انتهای پیام

https://iqna.ir/fa/news/4106348